|
SENDU
OKKUR ÞÍNA SKOÐUN Á ÞESSUM PISTLI
Höfundur:
Ragnar Trausti Ragnarsson,
nemi í Kvennaskólanum og kvikmynda-
áhugamaður
|
Ragnar Trausti Ragnarsson
SUNDANCE
KVIKMYNDAHÁTÍÐIN
Sundance
kvikmyndahátíðin hófst 15. janúar sl. og er nú í
fullum gangi. Þetta er ein stærsta og merkilegasta
kvikmyndahátíð í heimi. Park borg í Utah fyllist
af kvikmyndum, fólki, stjörnum, upprennandi
leikstjórum og öðrum þekktum og óþekktum aðilum
í
kvikmyndabransanum. Margar frægar og vel heppnaðar
myndir hafa komið frá þessari hátíð og margir
góðir leikstjórar og gott fagfólk hefur unnið sér
frægð með því að hafa tekið þátt í Sundance
kvikmyndahátíðinni. Má þar nefna Quentin
Tarantino (Reservoir Dogs), Robert Rodriguez (El
Mariachi) og Coen-bræður (Blood Simple). Einnig hafa
myndir á borð við Usual Suspects
og Memento vakið athygli á hátíðinni.
Því er
ekki furða að maður vilji fylgjast með hvaða
myndir eru sýndar á hátíðinni og hvaða myndir
hljóta mest lof gagnrýnenda. Ekkert er eins
spennandi fyrir upprennandi leikstjóra og að fá
myndina sína sýnda í kvikmyndahúsi. En
það eru ekki aðeins upprennandi leikstjórar sem
sækja hátíðina. Nú taka þátt t.d. Oliver Stone
og Ed Solomon.
Hér á eftir verða taldar upp nokkrar myndir sem
gætu náð langt:
Levity
Frumsýningarmynd
hátíðarinnar er í leikstjórn Ed Solomon. Myndin
fjallar um Manuel sem leikinn er af Billy Bob
Thornton. Manuel er dæmdur morðingi sem er laus
eftir 22 ára veru í fangelsi vegna morðs á
unglingi sem hann framdi meðan á bankaráni stóð. Manuel
ákveður að leita sér sáluhjálpar með því að
tala við prest sem leikinn er af Morgan Freeman.
Manuel finnur síðan systur fórnarlambsins, sem
þekkir Manuel ekki.
Comandante í leikstjórn Oliver
Stone er heimildarmynd um Fidel Castro. Sagt er að
myndin sýni ótrúlega mynd af þessum merka
pólitíska einræðisherra.
People I Know í
leikstjórn Dan Algrant fjallar um Eli Wurman sem
leikinn er af Al Pacino. Eli er
fréttamaður sem fylgist með leikkonu sem leiðir
hann út í heim
eiturlyfja og drunga.
The Cooler í leikstjórn Wayne
Kramer fjallar um Bernie Lootz sem leikinn er af
William H. Macy. Bernie er haldinn krónískri óheppni og
er ráðinn í spilavíti vegna þess að óheppni hans
smitar út frá sér. En þegar hann hittir Natalie
fara hlutirnir að snúast honum í hag.
The Maldonado
Miracle í leikstjórn Salma Hayek, sem er fyrsta mynd
hennar. Hún fjallar um prest sem leikinn er af Peter
Fonda og býr í smábænum San Ramos. Efnahagur
bæjarins er að falla og fólk að flytja burt. En
þegar kona sver að hún hafi séð blóð drjúpa
úr auga Jesú styttu bíður fólk með að flytja og
verður bærinn trúarlegur ferðamannastaður.
Rhythm
of the Saints í leikstjórn Sarah Rogacki fjallar um
15 ára gamla stelpu sem er býr í New York og er
lögð í einelti í skóla og ákveður að grípa
til svartagaldurs og leggja álög á skólafélaga
sína.
Alls verða um sextíu myndir sýndar á
hátíðinni.
Höfundur
er nemi í
Kvennaskólanum.
|
|