|
Ragnar Trausti Ragnarsson
BESTU
KVIKMYNDAHÚSIN
Það er fátt
leiðinlegra en að fara í lélegt og leiðinlegt
kvikmyndahús. Sem betur fer eru fá slík
kvikmyndahús í Reykjavík. Ég veit ekki um
landsbyggðina. En það skiptir máli að fara í
gott kvikmyndahús. Sætin verða að vera góð og
hljóð og mynd betri. Sambíóin í Álfabakka var
einu sinni uppáhalds bíóið mitt áður en Smárabíó kom og
Kringlubíó. Bíóið í
Álfabakka var byggt sem kvikmyndahús og það var og
er enn eitt af betri bíóhúsum landsins. Oft er
það þannig að salirnir eru misgóðir. Oft eru
litlu salirnir lélegri. Enda vill maður sjá
bíómynd á stóru tjaldi. Sambíóin Álfabakka hafa
þá sérstöðu í kvikmyndahúsageiranum að vera
með alla sali í topp standi. Allir salir hafa gott
hljóðkerfi og enginn salur er með óþarflega
lítið tjald. Nú þegar þeir eru búnir að breyta
öllu inni í bíóinu lítur það mjög vel út og
skemmtileg breyting. V.I.P. salurinn er flottur ég er
einu sinni búinn að fara í hann og mér fannst ég
nú ekkert sérstaklega very important þó það
væri flott að fá frítt popp og kók. En maður á
ennþá miðann. Ég get verið stoltur af því.
Starfsfólkið er ungt og ég tek eftir því að
það eru nánast bara stelpur sem vinna við
afgreiðsluna og síðan eru strákar sem rífa af
miðanum. Endilega hafa nóg af stelpum. Ég er ekki
á móti því.
Þá er komið að öðru
Sambíóinu. Það er í Kringlunni og ég man fyrst
þegar ég fór í það bíó, þá var það
flottasta bíóið í bænum. Það var virkilega
töff og nýstárlegt. Allt dökkt í forgangi þar
sem afgreiðsla er og ljós kastarar úti um allt.
Maður fékk þá tilfinningu að maður væri á
tökustað fyrir kvikmynd. Kringlubíó er með 3 sali
og eru þeir allir ágætir. Hljóðkerfið er gott og
tjaldið einnig. Sætin eru þægileg og má segja að
Kringlubíó sé mjög svipað Álfabakka bíóinu.
Kringlubíó er bara minna í sniðum. Það er meira
svona kósý.
Þá er komið að
Regnboganum sem nú er búið að bæta og gera mjög
glæsilegt. Innkoman í bíóið er vel útfærð
og virkilega nýstárleg. Salirnir eru orðnir flottir
og svipuð sæti og í Smáranum. Þó finnst mér
minni salirnir ekki góðir. Sá minnsti að ég svo lítill að ég get
eins verið heima hjá mér að
horfa á sjónvarpið. Kvikmyndahús mega ekki nýta
plássið það mikið að áhorfandinn hafi meint af.
Hljókerfið í Regnboganum er með því besta.
Stafrænt hljóðkerfi með THX staðli, eins og flest
bíóin eru með.
Smárabíó er það
bíóhús sem ekki er hægt að kvarta yfir. Það
hefur allt. Stóran gang þar sem auðvelt er að
komast að afgreiðsluborðinu og salirnir eru allir
í hæsta gæðaflokki. Ef það er eitthvað
bíóhús sem maður fer í þá er það Smárabíó.
En þó hefur Smárabíó þann galla að vera með
engan persónuleika. Eins og hin bíóin. Smárabíó
er alvöru verslunarmiðstöðvarbíó.
Háskólabíó er kvikmyndahús sem ekki
var byggt sem kvikmyndahús sérstaklega. Inngangurinn
í Háskólabíó er mjög vinalegur og þægilegur.
En salirnir eru þeir lélegustu á landinu. Enginn
salur er teppalagður og flestir salirnir eru hvít
málaðir að innan. Án teppi berst hljóð mjög vel
um salinn og má nánast segja að í sumum sölunum
bergmáli hreinlega. Sætin er léleg og ætluð fyrir
stúdenta (sem hlíða á fyrirlesara) ekki
kvikmyndagesti. Engir glasahaldarar eru og oft á
tíðum rekur maður sig í poppið sem maður var
nýbúinn að setja á gólfið. Ég held að tími
sé kominn til þess að gera einhverjar stórar
breytingar á sölum Háskólabíós ef þeir vilja
vera með í samkeppninni. Allavega hafa þeir ekki
gert vel að undanförnu. En þrátt fyrir þessa
galla er mjög skemmtilegt að fara í Háskólabíó
og vinalegt.
Laugarásbíó
er eitt bíóið sem hefur alltaf verið í miklum
metum hjá mér og sjálfsagt öðrum þó það sé
með fáa sali og lítið forrými. En stóri salurinn
í Laugarásbíó er einn af betri sölunum. Hann er
þægilega stór og tjaldið nær vel til allra
áhorfenda. Þeir sem sitja fremst eru ekki alveg upp
í myndinni eins og í stóra salnum í Smárabíói.
Þegar maður situr á fremsta bekk þar þá getur
maður nánast séð upp í klofið á leikurunum. Svo
fær maður líka djöfull mikinn hálsríg.
Höfundur
er nemi í
Kvennaskólanum.
|