|
Ragnar Trausti Ragnarsson
KVIKMYNDIR Á ENDA VERALDAR
Hver hefur ekki heyrt
besta vin sinn segja að hann hafi farið á magnaða mynd
um daginn og hvatt þig til að sjá hana, og svo loks
þegar þú ferð á hana þá er myndin ekkert sérstök.
Hvernig stendur á þessu. Ég hef dottið inn á
heimspekilegar hugsanir og spáð í það hvernig við
dæmum kvikmyndir. Hvað gerir góða bíómynd góða og
hvers vegna finnst okkur sumar vera lélegar? Mér finnst
Saving Private Ryan vera mögnuð mynd enda á Steven
Spielberg heiðurinn af henni. Ef ég hefði nú séð
Saving Private Ryan og ekki vitað hver leikstýrði
henni, síðan litið aftan á hlustrið og séð að
Christopher Mel væri leikstjórinn, finndist mér hún þá
jafn góð? Spurningin er hvort við tengjum myndirnar
frekar við leikstjórana en gæði myndarinnar.
Til eru myndir sem
eru algjörar ruglmyndir. Svo svakalega steiktar að
medium rare væru nóg. Myndir eins og Zoolander, Night
at the Roxbury´s, Corky Romano, Mafia og svo mætti
lengi telja. Mér finnst margar af þessum rugl myndum
vera allt í lagi, þær hafa húmor. En sumum finnst
þessar myndir vera algjört rusl. Berum saman myndina
Zoolander og Braveheart. Hvor finnst þér vera betri
mynd. Braveheart er eflaust svarið. En hvers vegna.
Við vitum að Zoolander á að vera ruglmynd með
yfirdrifnum húmor og fáranlegum söguþræði. Myndin var
auglýst þannig. Þannig að þegar við sjáum hana þá er
hún allt í lagi. Hefði Zoolander verið auglýst
öðruvísi, t.d. auglýst sem dramatísk spennumynd, þá
hefðum við orðið fyrir vonbrigðum. Þá hefði myndin
verið rusl.
Þegar öllu er á
botnin hvolft snýst þetta þá allt um auglýsingarnar.
Hefðu Jaws eða Star Wars orðið svona frægar og álitnar
svona góðar ef engar auglýsingar hefðu verið gerðar?
Hvað segið þið? Eru Star Wars myndirnar svona rosalega
góðar í raun og veru, eða er okkur sagt að þær séu
góðar og við kaupum það? Við kaupum það svo mikið að
við þorum ekki að hafa skoðun á myndinni.
Hefði Saving Private
Ryan verið tekin upp öðruvísi hefði hún verið jafn
góð? Nei eða já. Eflaust. Góðar myndir eru þá myndir
sem eru auglýstar vel, leikstýrt vel, þær skarta
frægum leikurum og kvikmyndatakan og tónlistin er góð.
Eru þá Charlie Chaplin myndirnar góðar. Ekki samkvæmt
þessari formúlu, Chaplin myndirnar eru þá algjört rusl
á okkar mælikvarða. Hefði Saving Private Ryan verið
jafn vinsæl fyrir 80 árum. Því er erfitt að svara.
Vangaveltur eru
ágætar en ég er búinn að komast að því að það er svo
margt annað sem spilar inn í hvort okkur finnst myndir
góðar eða ekki. Maður sjálfur getur verið í
tilfinningalegu ólagi þegar maður horfir á einhverja
mynd og haft allt aðra skoðun á myndinni en ef maður
hefði ekki verið í ólagi tilfinningalega. Við tökum
kannski ekki eftir því en kvikmyndir spila stærri þátt
í lífi okkar og kvikmyndir stjórna meira lífi heimsins
en við höldum. Spáið í því.
Ragnar
Trausti Ragnarsson
er nemi í
Kvennaskólanum og kvikmyndaáhugamaður
|
