Pistlar

Ragnar Trausti Ragnarsson
TOLKIEN OG HRINGURINN EINI

Sú mynd sem beðið er eftir með mestri eftirvæntingu er kvikmyndin "Lord of the Rings: The Fellowship of the Ring" eða Hringadróttinssaga, föruneyti hringsins. Þetta er saga sem er full af ævintýrum og fjölbreyttum persónum. Ef fólk skyldi ekki vita það þá er kvikmyndin byggð á skáldsögu sem var skrifuð af J.R.R. Tolkien (John Ronald Reuel Tolkien). Hann var fæddur af enskum foreldrum í Bloemfontein í Suður-Afríku árið 1892, hann lést 2 september árið 1973 á Englandi. Upphaflega var Hringadróttinssaga skrifuð á ensku og skapaði Tolkien heim sem var stútfullur af ævintýrum, dvergum og álfum. Tolkien skrifaði bókina með hléum og kláraði að skrifa hana á stríðsárunum, kringum 1942. Hringadróttinssaga fór sigurför um heiminn og enda ekki furða því bókin er stórkostlegt ævintýri.
Bækurnar eru þrjár samtals. En Tolkien skrifaði upphaflega bók sem bar nafnið Hobbitinn. Sú bók var leiðarvísir að nýju þjóðfélagi. Hún fjallaði um dverga orka og álfa, einnig kom hringurinn fram í hobbitanum. Tolkien var mikilsmetinn málfræðingur og hann skapaði nýtt fornt tungumál, lagði því til orð, beygingar og orðasambönd. Hobbitinn varð kveikjan af bókunum um hringinn.
Kvikmyndin er væntanleg í kvikmyndahús í desember og ég er ekki í neinum vafa um það að kvikmyndin eigi eftir að bera sama ljóma og "Star Wars" myndirnar gerðu hér forðum. Svipuð auglýsingamennska og sama eftirvænting í næstu mynd á eftir að verða staðreynd. Hringadróttinssaga er "trilogía" 21. aldarinnar. Það er ekki spurning að myndin verður löng því sjálf fyrsta bókin er 416 blaðsíður. Ef einhver mynd á eftir að vekja athygli þá er það Hringadróttinssaga. Leikstjóri myndarinnar er ekki af verri kantinum, Peter Jackson, sem er kannski þekktastur fyrir cult myndir og myndina "Heavenly Creatures" sem hann fékk silfurljónið fyrir á kvikmyndahátíð í Feneyjum.
Hringadróttinssaga er mynd sem maður má ekki láta fram hjá sér fara. Ég skrifa ef til vill meira þegar ég er búinn að sjá myndina og get borið hana saman við bókina. En ef þú lesandi góður ert ekki búinn að lesa bókina þá mæli ég með því að þú grípir hana á bókasafni og lesir eða bara gluggir í hana. Ég ætla að enda þennan pistil á tilvitnun úr bókinni Hringadróttinssögu, föruneyti hringsins.

Ragnar Trausti Ragnarsson
er nemi í Kvennaskólanum og kvikmyndaáhugamaður