Það getur verið erfitt að velja sér mynd við hæfi á leigunni. Sérstaklega þegar maður er búinn að vera að vinna eins og brjálæðingur alla vikuna og ætlar svo að skreppa á leiguna og leigja sér mynd og liggja yfir henni á föstudagskvöldi. Þær myndir sem maður tekur fyrst eftir eru C-klassa myndir sem ekkert er varið í. Maður ráfar um leiguna í leit að mynd sem virðist áhugaverð, vandamálið er að maður er annaðhvort búinn að sjá hana eða hún kemur í sjónvarpinu eftir viku. Það er alltaf ágætt að leigja sér líka bara mynd sem maður hefur séð áður. Einhverja stórslysamynd er alltaf gaman að horfa aftur á. Ég get endalaust horft á "Alive". Hún er týpisk stórslysamynd (flugslysamynd). Ég lendi í því stundum að vera klukkutíma á leigunni. Ég er kannski með eina mynd í hendinni en mér finnst hún kannski ekki nógu góð og ég leita að betri. Ég enda síðan uppi með einhverja sálfræði, drama, spennu-mynd með píkusöngkonunni Jennifer Lopez. Ég geng síðan að leigu gúrúinu. Hann spyr mig síðan með lágum tón: ,,viltu eina gamla með". Ég lít yfir leiguna og vel einhverja í flýti og borga. Það versta er að maður nær ekki að horfa á gömlu myndina. Maður skilar síðan spólunum á laugardagskvöldið, fer síðan heim og bíður eftir því að Disney myndin byrji.