|
25.
SEPTEMBER 2001
AMERICA'S
SWEETHEARTS
America's
Sweethearts skartar góðu úrvali frægra leikara.
Hægt er að greina myndina á marga vegu en fyrir
mér var þetta rómantísk gamanmynd med fallegu
fólki. Blanda sem hreinlega getur ekki klikkað.
Söguþráðurinn
er sá að Billy Crystal leikur blaðafulltrúa fyrir
kvikmyndaframleiðanda (Stanley Tucci). Crystal tekur
að sér að promota nýja mynd sem skartar helsta
stjörnupari Ameríku, Eddie (John Cusack) og Gwen
(Catherinu Zetu-Jones). Eddie og Gwen eru þó ekki
lengur par. Að auki er Eddie byrjaður i hugleiðslu
til ad ná tökum á reiðinni yfir því ad Gwen hafi
farið frá honum og tekið saman við málhaltan
Spánverja. Crystal tekur að sér að ná þeim saman
aftur til að kynna myndina og bjarga henni frá
algjöru floppi. Eddie og Gwen ákveða þó að láta
misklíðina ekki skemma fyrir framanum og samþykkja
að mæta á frumsýningu myndarinnar. Það hefur
þó enginn séð myndina þar sem leikstjórinn
(Christopher Walken) er sérlundaður maður sem vill
ekki leyfa neinum ad sjá meistaraverkið fyrr en
frumsýningin fer fram fyrir framan fjölmiðla. Ekki
má heldur gleyma sjálfri Juliu Roberts sem leikur
Kiki, systur Gwen. Kiki vinnur sem eins konar einkaþjónn
fyrir systur sína og er að auki ástfangin af Eddie,
sem er aftur á móti ennþá ástfanginn af Gwen. Þegar
að frumsýningu myndarinnar kemur fara einkennilegir
hlutir í gang. Leikstjórinn ákvað ad breyta
myndinni og búa til mynd sem sýnir raunveruleikann i
kvikmyndabransanum. Úr þessu verður alveg hreint stórskemmtileg
kómedía sem ég gef þrjár stjörnur.
Heiðar
Ásberg Atlason pistlahöfundur
er lögfræðingur sem stundar
framhaldsnám við University of Miami.
|
