Hágæða frönsk spennumynd eins og þær gerast bestar. Tekur við Seven kyndlinum og fer aðeins lengra með hann, a.m.k. hvað varðar ógeðfelld atriði. Jean Reno fer á kostum svo og Vincent Cassel. Sérlega ógeðfellt morð er framið í hljóðlætum bæ í ölpunum og kallaður er til Pierre Niémans (Jean Reno) til að rannsaka. Fljótlega berast böndin að háskólanum hjá bænum. Á meðan líkin hrannast upp reynir Pierre að komast að því hver morðinginn er. Með hjálp lögreglumannsins Max Kerkérian (Vincent Cassel) þrengir Pierre hringinn. Morðflettan er flókin, og ekki á færi allra að fylgjast með, en það eyðileggur samt ekkert fyrir áhorfendum þótt þeir missi eitthvað úr. Einstaklega vel leikin mynd og leikstjórnin er góð. Hörð keyrsla á köflum. Ein besta franska mynd sem ég hef séð. Alls ekki mynd fyrir börn eða viðkvæma, en fyrir alla sem hyggja á frama í réttarlækningum. - Eggert Páll Ólason