Því minna sem sagt er um Memento þeim mun betra. Söguþráðurinn á helst að koma ykkur á óvart því þannig njótið þið myndarinnar best. Memento er einstök mynd - þið verðið bara að treysta mér. Þið hafið aldrei séð svona mynd áður en eigið væntanlega eftir að sjá sams konar myndir síðar vegna þess að allir vilja herma eftir góðum myndum. Það eina sem ég vil segja ykkur er að aðalleikarinn Guy Pearce stendur sig mjög vel og handritið (eftir leikstjórann Christopher Nolan) er hreint magnað – já, og að lokum, alls ekki missa af byrjuninni! - Sigþrúður Ármann