Exit Wounds markar endurkomu Stevens Seagals á hvíta tjaldið. Myndin er skrambi góð hasarmynd. Steven leikur Orin Boyd, dæmigerða hasarhetju, sem byrjar á því að bjarga varaforsetanum frá hryðjuverkamönnum. Fyrir vikið er hann lækkaður í tign og sendur í versta lögregluumdæmi borgarinnar. Að sjálfsögðu fylgja ævintýri honum og Boyd kemst fljótlega að því að maðkur er í mysu lögreglunnar. Hinn góðkunni rappari níunda áratugsins, DMX, leikur hitt aðalhlutverkið á móti Seagal, og Tom Arnold sér um léttu tónana. Þetta er ómissandi mynd fyrir Seagal aðdáendur, en aðrir þurfa ekki að láta sér leiðast. Seagal er án taglsins, en stendur fyrir sínu. - EPÓ