Hver er uppáhaldsmynd
Eyþórs Arnalds?

Kvikmyndir eru í miklu uppáhaldi hjá mér. Uppáhaldsleikstjórarnir eru Hitchcock, Kubrick og Coppola. Lengi býr að fyrstu gerð og ég vil minnast fyrstu þriggja myndanna sem ég sá, en þær lifa enn sem nýjar:

1) Fyrsta myndin sem ég sá var Doctor Doolittle frá 1967, eða "Dagfinnur dýralæknir" með Rex Harrison í aðalhlutverki. Mikil ævintýramynd og ekki spillti að hún var sýnd á stóra tjaldinu í Háskólabíói.

2) Önnur myndin sem ég sá var Fantasia eftir Walt Disney frá árinu 1942, en hún var endursýnd í Gamla bíói. Þessi mynd sýndi tengsl tónlistar og myndlistar á ótrúlegan hátt, enda er þetta mesta teiknimynd allra tíma að mínu viti.

3) Þriðja myndin sem ég sá var 2001: A Space Odyssey, frá 1968. Ég held að hún hafi komið hingað ári síðar og verið sýnd í Gamla bíói. Ótrúleg mynd sem hafði gríðarleg áhrif á mig fimm ára gamlan. Ég fékk mikla geimdellu og vildi verða vísindamaður. Las mikið af vísindaskáldsögum og vísindaritum upp úr þessu og hef ekki enn náð að losna við áhrif þessara frábæru myndar.

Ég hef nýlega horft aftur á Fantasíu og 2001 og þær hafa ekki elst vitund. Mæli enn með þeim 100%.

Eyþór Arnalds